О великий и пречудный угодниче Христов, святителю отче Игнатие! Милостиво приими молитвы наша, с любовию и благодарением тебе приносимыя! Услыши нас сирых и безпомощных, к тебе с верою и любовию припадающих и твоего теплаго предстательства о нас пред Престолом Господа Славы просящих. Вемы, яко много может молитва праведника, Владыку умилостивляющая. Ты от лет младенческих Господа пламенно возлюбил еси и Ему Единому служити восхотев, вся красная мира сего ни во чтоже вменил еси. Ты отвергся себе и взем крест твой, Христу последовал еси. Ты путь узкий и прискорбный жития иноческаго волею себе избрал еси и на сем пути добродетели великия стяжал еси. Ты писаньми твоими сердца человеков глубочайшаго благоговения и покорности пред Всемогущим Творцом исполнял еси, грешников же падших мудрыми словесы твоими в сознании своего ничтожества и своея греховности, в покаянии и смирении прибегати к Богу наставлял еси, ободряя их упованием на Его милосердие. Ты николиже притекавших к тебе отвергал еси, но всем отец чадолюбивый и пастырь добрый был еси. И ныне не остави нас, усердно тебе молящихся и твоея помощи и предстательства просящих. Испроси нам у человеколюбиваго Господа нашего здравие душевное и телесное, утверди веру нашу, укрепи силы наша, изнемогающия во искушениих и скорбех века сего, согрей огнем молитвы охладевшая сердца наша, помоги нам, покаянием очистившимся, христианскую кончину живота сего получити и в чертог Спасов преукрашенный внити со всеми избранными и тамо купно с тобою покланятися Отцу и Сыну и Святому Духу во веки веков. Аминь.
Аудиозапись вечернего богослужения в день памяти свт. Игнатия Брянчанинова. Москва. Сретенский монастырь. 12 мая 2016 г. - возпроизвести или скачать
Тропарь святителю Игнатию Брянчанинову, епископу Кавказскому и Черноморскому, глас 8
Православия поборниче, покаяния и молитвы делателю и учителю изрядный, архиереев богодухновенное украшение, монашествующих славо и похвало: писании твоими вся ны уцеломудрил еси. Цевнице духовная, Игнатие Богомудре, моли Слова Христа Бога, Егоже носил еси в сердце твоем, даровати нам прежде конца покаяние.Ин тропарь, глас 8
Избранник возлюблен Христови явился еси, Тому скорбьми многими и молитвою непрестанною прилепився, благодать Духа Святаго стяжав, учитель изряден людем был еси. Поминай нас, святителю Игнатие, богоносе Российский, да учении и молитвами твоими покаяние спасительное обрящем и любовию сердечною Христу усвоимся.Кондак святителю Игнатию Брянчанинову, епископу Кавказскому и Черноморскому, глас 8
Аще и совершал еси стезю жития земнаго, святителю Игнатие, обаче непрестанно зрел еси законы бытия вечнаго, сему поучая ученики словесы многими, имже последовати и нам, святче помолися.Акафист святителю Игнатию Брянчанинову, Епископу Кавказскому и Черноморскому
Кондак 1
Избранный Небесным Царем и от Него прославленный, святителю отче Игнатие, ныне всечестную твою память празднующе, молим тя усердно: путеводствуй нас на пути спасения, избави от врагов видимых и невидимых, от скорбей и болезней с любовию зовущих ти: Радуйся, святителю Игнатие, покаяния и молитвы делателю и учителю преизрядный.Икос 1
Архангели и Ангели удивляхуся житию твоему, святителю отче Игнатие, како ты от лет малых к Богу велие рачение имел еси и по заповедей Его житие твое неуклонно проводил еси. Дивящеся таковому благоразумию твоему, со умилением взываем ти: Радуйся, скорбящих безчадных родителей твоих рождением своим утешивый; Радуйся, рода честнаго отрасль прекрасная. Радуйся, Ангела хранителя твоего непрестанное веселие; Радуйся, родителей и наставников твоих своею кротостию и покорностию удививый. Радуйся, от лет младенческих ко иноческому послушанию себе приуготовивый; Радуйся, душу свою младенческую к Богу устремивый. Радуйся, в молитве и богомыслии отроческия своя досуги проводивый; Радуйся, для меньших братии и сестер твоих пример молитвы и послушания бывый. Радуйся, святителю Игнатие, покаяния и молитвы делателю и учителю преизрядный!Кондак 2
Видяще родители твои великая твоя дарования, направиша тя в царствующий град, да обучен будеши к восприятию воинскаго звания. Ты же, избранниче Божий, юн сый леты, стар же разумом, вся сия яко тленна и скоропреходяща почиташе, к Единей же Красоте и Сладости неизреченной - Господу Иисусу Христу умом и сердцем устремлялся еси, поя Ему: Аллилуиа!Икос 2
Разум божественный от возлюбленнаго тобою Спаса Христа приял еси, Игнатие досточудне, егда, еще отрок сый, во всех видимых образех мира сего руку Небеснаго Творца и Промыслителя проразумевал еси. Темже прославляя тя, вопием ти сице: Радуйся, в видимых явлениях природы Невидимого Бога созерцавый; Радуйся, тишину и уединение лесное возлюбивый. Радуйся, от лет отроческих к Богу велие рачение имевый; Радуйся, вся красная и сладкая мира сего презревый. Радуйся, мзду небесную от Господа восприявый; Радуйся, молитву Иисусову усты непрестанно творивый и во уме содержавый. Радуйся, совершенную любовь ко Господу показавый; Радуйся, возлюбленнаго тобою Иисуса выну в сердце твоем носивый. Радуйся, святителю Игнатие, покаяния и молитвы делателю и учителю преизрядный!Кондак 3
Силою Вышняго осенен был еси, отче преблаженне, егда вся, яже в мире сем за блага почитаются, отвергл еси и по заповеди Христа Спасителя, взем крест, невозвратно Ему последовал еси, непрестанно поя в сердце твоем: Аллилуиа!Икос 3
Имея в души своей пламенное желание мир оставити и Христу последовати, не убоялся еси ни гнева царева, ни прещений отеческих и, еще в мире живый, иноческим житием себе украсил еси. Темже, почитая мужество твое и любовь к Сладчайшему Господу Иисусу, блажим тя сице: Радуйся, во младости твоей адамантову твердость духа проявивый; Радуйся, еженедельнаго приобщения Святых Христовых Тайн, яко величайшаго сокровища, желавый. Радуйся, на небесех ныне Христа приобщаяйся, якоже вожделел еси, еще сый на земли; Радуйся, яко семя Божие, всеянное в добрую землю сердца твоего, обильными слезами орошал еси. Радуйся, яко посреде мирских плевел, сторичный плод добродетелей Господу принесл еси; Радуйся, чистоты душевныя и телесныя усердный хранителю. Радуйся, целомудрия дивное украшение; Радуйся, яко благолепие лика твоего о душевней красоте твоей свидетельствоваше. Радуйся, святителю Игнатие, покаяния и молитвы делателю и учителю преизрядный!Кондак 4
Буря помышлений сумнительных не поколеба Тя, Игнатие блаженне, егда гнева царева не убоявся, чин воинский оставил еси и, подъяв на ся иго Христово и мир с соблазнами его презрев, в пустыню вселился еси и тамо, желанный покой души своей стяжав, немолчно пел еси Богу: Аллилуиа!Икос 4
Егда слышано бысть во Отечестве твоем, яко ты, юн сый леты, лепотою и дарованьми украшен, славу мира сего и сладости его возненавидев, в пустыню удалился еси, вси сродницы твои вельми удивляхуся, Ангели же на небеси возрадовашася зело и прославиша Бога, восхитившаго тя от суетнаго пути мирскаго и поставившаго на тесный путь иноческий, ведущий в Царство Небесное. Мы же, похваляюще святую ревность твою о Господе, зовем ти: Радуйся, званию воина царя земнаго звание воина Царя Небеснаго предпочтый; Радуйся, на искушения от мира, плоти и диавола находящая крепко ополчивыйся. Радуйся, оружием Божиим, Крестом Христовым, вся козни вражия победивый; Радуйся, бронею праведности облеченный. Радуйся, шлем спасения стяжавый; Радуйся, меч духовный, еже есть глагол Божий, паче всякаго человеческаго оружия возлюбивый. Радуйся, щитом веры от стрел лукаваго себе оградивый; Радуйся, чина ангельскаго блаженство неизреченное в чертозе небеснем получивый. Радуйся, святителю Игнатие, покаяния и молитвы делателю и учителю преизрядный!Кондак 5
Боготечней звезде подобен был еси, Игнатие преподобне, егда предстал еси пред игуменом обители дальния и скудныя, прося прияти тя в число братии. Игумен же, испытав тя, ничтоже вопреки глаголаше, благослови тя на начало иноческаго пути твоего. Ты же, улучив чаяний твоих заветных сбытие, благодарне воспевал еси во умилении благодеющему тебе Богу: Аллилуиа!Икос 5
Вся братия обители удивляшеся, зрящи великое тщание твое во исполнение послушаний, имиже испытоваше твое смирение духовный отец твой. Мы же, почитающе подвиги и труды твоя, во младых летех волею Христа ради подъятыя, умиленно вопием ти: Радуйся, крест свой на рамена подъявый и Христу последовавый; Радуйся, узкий и прискорбный путь жития монашескаго волею избравый. Радуйся, вспять николиже обративыйся; Радуйся, смирением своим духа гордыни низложивый. Радуйся, талант свой в земли не сокрывый; Радуйся, во славу Божию и на спасение душ человеческих его употребивый. Радуйся, богомудрыми писаньми твоими многия души, во гресех погрязшия, ожививый; Радуйся, сладкий глас Небеснаго Домовладыки: «Рабе благий и верный, вниди в радость Господа Твоего» услышавый. Радуйся, святителю Игнатие, покаяния и молитвы делателю и учителю преизрядный!Кондак 6
Смирением, постом, наипаче же непрестанною молитвою на страсти плотския крепко ополчился еси, святителю, дондеже плоть твою духови поработил еси и сего ради ныне предстоиши с лики Ангел Престолу Пресвятыя Троицы, выну воспевая: Аллилуиа!Икос 6
Возсия в тебе обильно благодать Божия, егда ты, чин ангельский восприяв, вскоре саном священства почтен был еси. Дух же твой, приятый во объятия Отча, тебе отверстая, блаженство неизреченное вкуси. Егда же избра тя Господь во игумена обители Пельшемския, ты о словесных овцах твоих, тебе Богом врученных, денно и нощно пеклся еси, да ни едина от них погибнет нерадения ради твоего. Таковому Божию о тебе промышлению радующеся, зовем ти: Радуйся, в приятии ангельскаго чина завершение чаяний твоих узревый; Радуйся, небесному покровителю своему, священномученику Игнатию Богоносцу, подражавый. Радуйся, якоже и он, Господа Иисуса Христа в сердце твоем выну носивый; Радуйся, сан священства, яко великий дар Божий, приявый. Радуйся, огню тезоименитый, огнем веры и любве к Богу и ближним пламеневый; Радуйся, с благоговением великим и страхом безкровную жертву приносивый. Радуйся, Пренепорочную Матерь Христа Бога нашего, яко чистейшую святыню и сокровище Славы Божия, благоговейно почитавый; Радуйся, храм благоукрашенный во имя Милостивыя Вратарницы во обители воздвигнувый. Радуйся, святителю Игнатие, покаяния и молитвы делателю и учителю преизрядный!Кондак 7
Хотя, человеколюбец Господь, да не сокрыт будет светильник добродетелей твоих, но да светит всем, да прославят Отца Небеснаго вси человецы, видящии тя, изведе тя из обители пустыни на многотрудная послушания. Сему Божию промышлению дивящеся, со умилением зовем: Аллилуиа!Икос 7
Новей обители преподобнаго Сергия близ царствующаго града дарова тя Господь, яко предстоятеля и добраго пастыря, неусыпно о словеснем стаде своем пекущагося и о благолепии обители ревнующаго. Сего ради и славяше тя братия твоя, взывающи: Радуйся, небесному покровителю обители твоея преподобному Сергию, игумену Радонежскому, подражавый; Радуйся, дивными храмы и строеньми сию украсивый. Радуйся, яко отец чадолюбивый, чад своих по пути спасения в Царствие Небесное ведый; Радуйся, жаждавших вступити на путь иноческий с любовию во обитель приимавый. Радуйся, провинившихся иноков увещеваньми своими к слезному раскаянию приводивый; Радуйся, яко пастырь добрый, житием своим и нравом всем братиям пример подвига иноческаго подававый. Радуйся, за спасение их душу свою положити готовый; Радуйся, монашествующих славо и похвало. Радуйся, святителю Игнатие, покаяния и молитвы делателю и учителю преизрядный!Кондак 8
Странник и пришлец на земли был еси, святителю, якоже прочии человецы. Обаче Господь от лет младенческих избра тя, яко угодника Своего, житием бо и богодухновенными писаньми твоими Господу усердно послужил еси. Мы же, хвалу возсылающе ко Благодеющему тебе Богу, вопием Ему: Аллилуиа!Икос 8
Весь добродетелей исполненный, воистину был еси во плоти Ангел, святителю Игнатие, всех притекавших к тебе с любовию приимая, скорби их утешая, на путь покаяния наставляя, непрестанней молитве и плачу сердечному научая. Сего ради богатии и беднии, знатнии и убогии людие, духовная чада твоя, взываху ти: Радуйся, новый Златоусте, огненными словесы твоими многия заблудшия путем покаяния к Богу приведый; Радуйся, писаньми твоими души и сердца всех чтущих тя просветивый. Радуйся, за враги своя молитися наставлявый; Радуйся, и сам за враги твоя с теплою любовию моливыйся. Радуйся, во враждующих на нас оружие Божие ко исправлению нашему разумети учивый; Радуйся, Езекиины слезы и Манассиины воздыхания духовным очесем кающихся представлявый. Радуйся, подвиги и труды подвижников древних в богомудрых творениях твоих изобразивый; Радуйся, в житии твоем всецело им подражавый. Радуйся, святителю Игнатие, покаяния и молитвы делателю и учителю преизрядный.Кондак 9
Все воинство ангельское и святителей лик удивишася, зря тебе, новаго угодника Божия великими труды и подвиги просиявшаго. Мы же, ублажая тя, прославльшему тя Богу вопием: Аллилуиа!Икос 9
На новое многотрудное послушание в дальний край Отечества нашего отшел еси, святителю Игнатие, егда жезл архиерейский от Предвечнаго Архиерея Господа нашего Иисуса Христа вручи тебе архипастырь царствующаго града в Казанском соборе Царицы Небесныя. Разумеюще в сем волю Божию, да и в чуждей стране проповестся тобою Евангелие Царствия Божия, смиренно зовем ти: Радуйся, в хиротонии обильно благодать божественную восприявый; Радуйся, апостольскаго учения исполненный и вся верныя спасительными струями его напаяяй. Радуйся, верный делателю винограда Христова; Радуйся, цевнице духовная, Духа Святаго исполненная. Радуйся, архиереев богодухновенное украшение; Радуйся, яко устами твоими провещаваше возлюбленный тобою Господь. Радуйся, духовных братий и чад твоих во обители преподобнаго Сергия, аще и телом оставивый, обаче в молитвах своих их николиже забывый; Радуйся, всем верным и неверным, призывающим тя на помощь, милостивый заступниче. Радуйся, святителю Игнатие, покаяния и молитвы делателю и учителю преизрядный!Кондак 10
Немощию телесною и подвигами жития утружденный, во обитель святаго Николая на реце Волге удалился еси, святителю Игнатие, хотя душу свою ко отшествию от мира сего уготовати, идеже в богомыслии и молитве уединенней дни своя скончавая, пел еси немолчно Богови: Аллилуиа!Икос 10
Скорый помощник и утешитель был еси, святителю Игнатие, не токмо к тебе приходящим, но и далече сущим, писаньми твоими их утешая, дух их ободряя и вразумляя. Сего ради и возглашают ти вси чтущии богомудрая творения твоя: Радуйся, пастырю наш добрый; Радуйся, приходящих к тебе николиже отвращаяйся. Радуйся, просящих твоея помощи ближних и дальних любовию своею объемляй; Радуйся, чтущих со тщанием писания твоя в теснейшее единение с душею твоею приемляй. Радуйся, чад своих духовных христианскому терпению учивый; Радуйся, в страданиях наших промышление Божие о спасении нашем видети наставляяй. Радуйся, всецело предатися промыслу Божию чада своя научивый; Радуйся, совершения над нами воли Его, яко милости великой, просити у Господа заповедавый. Радуйся, святителю Игнатие, покаяния и молитвы делателю и учителю преизрядный!Кондак 11
Пение всеумиленное приносил еси Пресвятой Троице во вся дни земнаго жития твоего, Игнатие всехвальне. Ныне же предстоя Престолу Царя Славы, молися о нас, чтущих святую память твою, да молитвою и покаянием очистившеся, с тобою купно во веки веков воспоем Богу: Аллилуиа.Икос 11
Светильник великий Святыя Православныя Церкве в житии своем был еси, святителю Игнатие, и сего ради дарова тебе Вседержитель Господь кончину чудну и прослави тя на небесех. Просим тя, святителю милостивый, испроси и нам грешным, твоея помощи и предстательства умоляющим, кончину жития нашего мирну и безболезненну, добрый ответ на Страшнем Судищи Христове и Царства Небеснаго наследие, да зовем ти радостно: Радуйся, праведною кончиною праведность жития твоего запечатлевый; Радуйся, близость отшествия твоего предуведевый. Радуйся, со светильником горящим Небеснаго Жениха души своея сретивый; Радуйся, в день кончины твоея с женами мироносицами воскресшаго Спасителя узревый. Радуйся, чтущих тя и по смерти николиже своего предстательства лишаяй; Радуйся, всех усердно тебе молящихся благодатию и попечением своим покрываяй. Радуйся, твердо держатися единыя истинныя святыя православныя веры чада своя учивый; Радуйся, вся прельщения еретическая приимати и увещаниям их лукавым внимати строго запретивый. Радуйся, святителю Игнатие, покаяния и молитвы делателю и учителю преизрядный!Кондак 12
Благодать дадеся ти от Бога, святителю Христов Игнатие, молитися за ны и путеводствовати нас на пути спасения, да покаянием очищеннии, в чертог Спасов преукрашенный внидем и тамо с тобою и со всеми угодившими Богу радостно воспоем Ему: Аллилуиа!Икос 12
Поюще Бога, дивнаго во святых Своих, хвалим тя, Игнатие блаженне, яко друга Христова, блаженство райское неуклонным творением заповедей Господних стяжавшаго. Моли о нас грешных, да и мы общники с тобою вечери Господней будем, умиленно зовуще ти: Радуйся, глубочайшим смирением твоим, нищетою духовною Царство Небесное обретый; Радуйся, добродетель сию во основание всех подвигов иноческих полагати заповедавши. Радуйся, во плаче о гресех своих Самим Господом утешенный; Радуйся, за кротость души твоея наследие жизни вечныя получивый. Радуйся, в земном житии правды Xpистовой, а на брашна тленнаго искавый, ныне же на небесех ею обильно насыщаяйся; Радуйся, за милосердие твое к ближним от Бога Щедродавца помилованный. Радуйся, за ангелоподобную чистоту сердца твоего Бога узревый; Радуйся, вся клеветы и поношения ненавидящим тя Господа ради прощавый и за сие, яко миротворец, великаго сокровища - усыновления Богу - сподобивыйся. Радуйся, святителю Игнатие, покаяния и молитвы делателю и учителю преизрядный!Кондак 13
О предивный угодниче Христов, святителю отче Игнатие! Приими сие малое, обаче от любящих и чтущих тя сердец, приносимое ти моление и избави нас твоим всемощным предстательством от всякия скорби, болезни и печали, согрей охладевшия души наша огнем веры и любве к Богу, даруй нам прежде конца покаяние, буди нам к Царствию Небесному путевождь, да тамо с тобою и со всеми угодившими Богу во веки веков поем Ему: Аллилуиа, Аллилуиа, Аллилуиа!(Этот кондак читается трижды, затем читается 1-й икос "Избранный Небесным Царем..." и 1-й кондак "Архангели и Ангели удивляхуся...")
Святитель
(Брянчанинов)
О молитве
Чин внимания себе для живущего посреди мира
Душа всех упражнений о Господе - внимание . Без внимания все эти упражнения бесплодны, мертвы. Желающий спастись должен так устроить себя, чтоб он мог сохранять внимание к себе не только в уединении, но и при самой рассеянности, в которую иногда против воли он вовлекается обстоятельствами. Страх Божий пусть превозможет на весах сердца все прочие ощущения - тогда удобно будет сохранять внимание к себе и в безмолвии келейном, и среди окружающего со всех сторон шума.
Благоразумная умеренность в пище, уменьшая жар в крови, очень содействует вниманию к себе ; а разгорячение крови - как-то от излишнего употребления пищи, от усиленного телодвижения, от воспаления гневом, от упоения тщеславием и от других причин - рождает множество помыслов и мечтаний, иначе рассеянность. Святые отцы предписывают желающему внимать себе , во-первых, умеренное, равномерное, постоянное воздержание в пище . Проснувшись - в образ ожидающего всех человеков пробуждения из мертвых, - направь мысли к Богу, принеси в жертву Богу начатки помышлений ума, еще не принявшего на себя никаких суетных впечатлений. С тишиною, очень осторожно, исполнив все нужное по телу для вставшего от сна, прочитай обычное молитвенное правило, заботясь не столько о количестве молитвословия, сколько о качестве его, то есть о том, чтоб оно было совершено со вниманием и, по причине внимания , чтоб освятилось и оживилось сердце молитвенным умилением и утешением. После молитвенного правила, опять всеми силами заботясь о внимании , читай Новый Завет, преимущественно же Евангелие. При этом чтении тщательно замечай все завещания и заповедания Христа, чтоб по ним можно было направлять свою деятельность, видимую и невидимую. Количество чтения определяется силами человека и обстоятельствами. Не должно обременять ум излишним чтением молитв и Писания, также не должно упускать обязанностей своих для неумеренного упражнения молитвою и чтением. Как излишнее употребление пищи расстраивает и ослабляет желудок, так и неумеренное употребление духовной пищи ослабляет ум, производит в нем отвращение от благочестивых упражнений, наводит на него уныние . Для новоначального святые отцы предлагают частые молитвы, но непродолжительные. Когда же ум возрастет духовным возрастом, окрепнет и возмужает, тогда он будет в состоянии непрестанно молиться. К христианам, достигшим совершенного о Господе возраста, относятся слова святого апостола Павла: Хощу убо, да молитвы творят мужие на всяцем месте, воздеюще преподобныя руки без гнева и размышления (1 Тим. 2, 8), то есть бесстрастно и без всякого развлечения или парения. Свойственное мужу еще несвойственно младенцу. Озарившись при посредстве молитвы и чтения Солнцем Правды, Господом нашим Иисусом Христом, да исходит человек на дела дневного поприща, внимая , чтоб во всех делах и словах его, во всем существе его царствовала и действовала всесвятая воля Божия, открытая и объясненная человекам в евангельских заповедях.
Если выпадут свободные минуты в течение дня, употреби их на чтение со вниманием некоторых избранных молитв или некоторых избранных мест из Писания и ими снова подкрепи душевные силы, истощаемые деятельностью посреди суетного мира. Если ж этих золотых минут не выпадает, то должно пожалеть о них, как о потере сокровища. Что утрачено сегодня, не надо потерять в следующий день, потому что сердце наше удобно предается нерадению и забывчивости, от которых рождается мрачное неведение, столько гибельное в деле Божием, в деле спасения человеческого.
Если случится сказать или сделать что-нибудь противное заповедям Божиим, то немедленно врачуй погрешность покаянием и посредством искреннего покаяния возвращайся на путь Божий, с которого уклонился нарушением воли Божией. Не косни вне пути Божия! Приходящим греховным помышлениям, мечтаниям и ощущениям противопоставляй с верою и смирением евангельские заповеди, говоря со святым патриархом Иосифом: Како сотворю глагол злый сей и согрешу пред Богом (Быт. 39, 9). Внимающий себе должен отказаться от всякой мечтательности вообще, как бы она ни казалась приманчивою и благовидною: всякая мечтательность есть скитание ума, вне истины, в стране призраков, не существующих и не могущих осуществиться, льстящих уму и его обманывающих. Последствия мечтательности: утрата внимания к себе, рассеянность ума и жесткость сердца при молитве; отсюда - душевное расстройство.
Вечером отходя ко сну, который по отношению к жизни того дня есть смерть, рассмотри действия свои в течение мимошедшего дня. Для того, кто проводит внимательную жизнь, такое рассматривание незатруднительно, потому что по причине внимания к себе уничтожается забывчивость, столько свойственная человеку развлеченному. Итак, припомнив все согрешения свои делом, словом, помышлением, ощущением, принеси в них покаяние Богу с расположением и сердечным залогом исправления. Потом, прочитав молитвенное правило, заключи богомыслием день, начатый богомыслием.
Куда уходят все помышления и чувствования спящего человека? Что это за таинственное состояние - сон, при котором душа и тело живы и вместе не живут, чужды сознания своей жизни, как бы мертвые? Сон так же непонятен, как и смерть. Во время его покоится душа, забывая самые лютые горести и бедствия земные, в образ своего вечного покоя; а тело!.. Если оно восстает от сна, то непременно воскреснет и из мертвых. Сказал великий Агафон: "Невозможно без усиленного внимания себе преуспеть в добродетели" . Аминь.
О молитве
Нищим свойственно просить, а обнищавшему грехопадением человеку свойственно молиться. Молитва - обращение падшего и кающегося человека к Богу. Молитва - плач падшего и кающегося человека пред Богом. Молитва - излияние сердечных желаний, прошений, воздыханий падшего, убитого грехом человека пред Богом.
Первое обнаружение, первое движение покаяния - плач сердца. Это - молитвенный голос сердца, предваряющий молитву ума. И скоро ум, увлеченный молитвою сердца, начинает рождать молитвенные помышления. Бог есть единый источник всех истинных благ. Молитва есть мать и глава всех добродетелей , как средство и состояние общения человека с Богом. Она заимствует добродетели из источника благ - Бога, усвояет их тому человеку, который молитвою старается пребывать в общении с Богом. Путь к Богу - молитва. Измерение совершаемого пути - различные молитвенные состояния, в которые постепенно входит молящийся правильно и постоянно. Научись молиться Богу правильно. Научившись молиться правильно, молись постоянно - и удобно наследуешь спасение. Спасение является от Бога в свое время, с неоспоримым сердечным извествованием о себе, молящемуся правильно и постоянно.
Русской православной церковью святитель Игнатий почитается с 1988 года
Общественное достояниеОн мог сделать потрясающую карьеру в любой сфере, поскольку принадлежал старинному дворянскому роду, однако выбрал служение духовное.
Русской православной церковью святитель Игнатий почитается с 1988 года. Знаменитый богослов и проповедник на служение Богу был избран от чрева матери. Его родители Александр Семенович и Софья Афанасьевна долго не могли завести детей, кроме того, двое их первенцев умерли в младенчестве. Супруги от безысходности обратились к помощи Божией и отправились в паломничество по святым местам. Во время странствия они побывали в Свято-Духовском, Глушицком, Лопотове, Прилуцком монастырях. Благодаря молитвам у них родился Дмитрий.
НАРЕЧЕНИЕ ИМЕНИ
Епископ Игнатий, а в миру Дмитрий Александрович Брянчанинов, родился в дворянской семье 5 февраля 1807 года в селе Покровском Грязовецкого уезда Вологодской губернии. В настоящее время усадьба находится в ведомстве Вологодской епархии.
Дмитрий получил домашнее воспитание и образование. Говорят, что наставники удивлялись его выдающимся способностям. Уже в 15 лет отец отвез его в Петербург в Военное инженерное училище. Закончил его Брянчанинов в чине поручика, после чего отправился на службу в Динабургскую крепость. Здесь он тяжело заболел, в 1927 году получил отставку.
Охладело сердце к миру, к его служениям, к его великому, к его сладостному! Я решился оставить мир, жизнь земную посвятить для познания Христа, для усвоения Христу, - приводятся слова Дмитрия в Жизнеописании епископа Игнатия Брянчанинова.
В возрасте 20 лет он стал послушником Александро-Свирского монастыря, после которого перешел в Оптину пустынь. В 1831 году пострижен в монашество в вологодском Воскресенском соборе, с наречением имени в честь священномученика Игнатия Богоносца.
ЛЕСТЬ ОТ БЕСОВ
Святой Игнатий считается разработчиком учения о "духовной прелести". Согласно ему, бесы могли в образе святых прийти к подвижникам и очаровать тех разными видениями. Сам же Игнатий определял прелесть как «усвоение человеком лжи, принятой им за истину». Так, человеку могло казаться, что он достиг духовных высот и может творить чудеса. В таком состоянии он принимает ложь за истину.
МОЛИТВА
Игнатию молятся о мире и благополучии на Кавказской земле. При чрезмерной привязанности к мирским благам Игнатию молятся о даровании покаянного чувства. Также святому молятся о ревности к исполнению христианского служения, о твердом стоянии в православии.
Игнатий считал, что молитва есть «возношение прошений наших к Богу», «величайшая добродетель, средство соединения человека с Богом». Чтобы достичь успеха в молитве, ее следует совершать правильно. А научится правильной молитве можно только опытным путем.
Вера – основание молитвы. Кто уверует в Бога, как должно веровать, тот непременно обратится к Богу молитвою и не отступит от молитвы, доколе не получит обетований Божиих, доколе не усвоится Богу, не соединится с Богом, - говорит святитель Игнатий в "Аскетических опытах".
Так, молитва, подкрепленная верою, возносится к самому престолу Божию.
КСТАТИ
Основателем рода Брянчаниновых считается боярин Михаил Брянко, который жил в XV веке и служил оруженосцем князя Дмитрия Донского. Именно Брянко перед Куликовской битвой переоделся в одежды князя и погиб в битве.
Господи! Даждь нам зрети согрешения наша, да ум наш, весь ко вниманию собственным нашим прегрешением привлеченный, прегрешения ближних видети престанет, и тако вся ближняя благими да увидит. Даждь сердцу нашему пагубное попечение о немощех ближняго оставити, вся же попечения во едино попечение о стяжании чистоты и святыни, Тобою нам заповеданной и уготованной, совокупити. Даждь нам, ризы душевныя осквернившим, паки тыя убелити: быша убо омыты уже Крещения водами, ныне же, по осквернении, требуют слезными водами омытися. Даждь нам узрети, во свете благодати Твоея, многообразныя недуги, в нас живущия, духовныя движения в сердце потребляющия, движения кровяная и плотяная, царствию Божию враждебная, во оное вводящая. Даждь нам велий дар покаяния, велиим даром зрения грехов своих предшествуемый и раждаемый. Охрани ны сими велицыми дары на пути нашем к Тебе и даждь нам Тебе достигнути, сознающих себе грешниками призывающаго и мнящих себе праведники быти отвергающаго, да славословим вечно во блаженстве вечнем Тебе, Единаго Истиннаго Бога, плененных Искупителя, погибших Спасителя.
Молитва святителя Игнатия Брянчанинова
Господи! даруй нам зреть согрешения наши, чтоб ум наш, привлеченный всецело ко вниманию собственным погрешностям нашим, престал видеть погрешности ближних и таким образом увидел бы всех ближних добрыми. Даруй сердцу нашему оставить пагубное попечение о недостатках ближнего, все попечения свои соединить в одно попечение о стяжании заповеданной и уготованной нам Тобою чистоты и святыни. Даруй нам, осквернившим душевные ризы, снова убелить их: они уже были омыты водами крещения, нуждаются теперь, по осквернении, в омовении слезными водами. Даруй нам узреть при свете благодати Твоей живущие в нас многообразные недуги, уничтожающие в сердце духовные движения, вводящие в него движения кровяные и плотские, враждебные Царствию Божию. Даруй нам великий дар покаяния, предшествуемый и рождаемый великим даром зрения грехов своих. Охрани нас этими великими дарами от пропастей самообольщения, которое открывается в душе от непримечаемой и непонимаемой греховности ее; рождается от действия не примечаемых и не понимаемых ею сладострастия и тщеславия. Соблюди нас этими великими дарами на пути нашем к Тебе и даруй нам достичь Тебя, призывающего сознающихся грешников и отвергающего признающих себя праведниками, да славословим вечно в вечном блаженстве Тебя, Единого Истинного Бога, Искупителя плененных, Спасителя погибших. Аминь.
Помилуй мя, Боже, помилуй мя, яко на Тя упова душа моя, и на сень крилу Твоею надеюся, дондеже прейдет беззаконие. Воззову к Богу Вышнему, Богу благодеявшему мне. Посла с Небесе и спасе мя, даде в поношение попирающия мя, посла Бог милость Свою и истину Свою, и избави душу мою от среды скимнов. Послах смущен, сынове человечестии, зубы их оружия и стрелы, и язык их меч остр. Вознесися на Небеса, Боже, и по всей земли слава Твоя. Сеть уготоваша ногам моим и слякоша душу мою, ископаша пред лицем моим яму и впадоша в ню. Готово сердце мое, Боже, готово сердце мое, воспою и пою во славе моей. Востани слава моя, востани псалтирю и гусли, востану рано. Исповемся Тебе в людех, Господи, воспою Тебе во языцех, яко возвеличися до Небес милость Твоя, и даже до облак истина Твоя. Вознесися на Небеса, Боже, и по всей земли слава Твоя.